Tababaraha Inter Milan, Simeone Inzaghi, ayaa magacaabay afarta kooxood ee uu filayo inay ku dagaallamaan hanashada Champions League xilli ciyaareedkan.
Sida uu sheegay, waa Real Madrid, Arsenal, Bayern Munich iyo Manchester City kooxaha uu kaga baqayo sanadkaan Champions League tababaraha Inter.
Inzaghi, oo la hadlayay warbaahinta ka hor kulanka ay gurigooda kula ciyaari doonaan Arsenal caawa, ayaa wax laga weydiiyay kooxaha ugu cadcad ee ku guuleysan kara Champions League.
Wuxuu ku jawaabay: “Kuwa ugu cadcad ee ku guuleysan kara Champions League waa Real Madrid, Manchester City, Arsenal iyo Bayern Munich.”
Inter ayaa gaartay finalka tartankaan 2023 inkastoo Manchester City ay ka qaadeen kadib gool uu ka dhaliyay Rodri.
Kooxda Inzaghi waxay leeyihiin sideed dhibcood kadib afar kulan oo la ciyaaray tartanka Champoons League xili ciyaareedlaan.
Hadalka tababaraha Inter ayaa kusoo aaday xili kooxdiisa caawa soo dhaweyneyso Arsenal oo uu u arkayo mid kamid ah kooxaha ku guuleysan kara tartanka xili ciyaareedlaan.
