Abaalmarinta Ballon d’Or, oo ah tan ugu sarreysa ee ciyaariyahan lagu abaalmariyo. Qiima ahaan marka laga hadlayo farsamada iyo agabka loo adeegsado, ma aha mid qarash badan ku baxa.
Abaalmarintan waxaa abuuray suxufiyiinta isboortiga Faransiiska Gabriel Hanot iyo Jacques Ferran sanadkii 1956-kii, waxayna matalaysaa xiddiga ugu fiican kubadda cagta, iyadoo naqshadeeda ay muujinayso kubbad dahab ah oo dul saaran saxan naxaas ah.
In kasta oo ay u muuqato inay ka samaysan tahay dahab saafi ah, haddana abaalmarintu waxay ka kooban tahay qiyaastii keliya 5 kiilo oo dahab ah.
Abaalmarinta cabbirkeeda ayaa ah 31 sentimitir dherer ah iyo 23 sentimitir ballac ah, iyadoo miisaankeeda guud lagu qiyaaso qiyaastii 7 kiilo. Habka samaynta Ballon d’Or waa mid feejigan oo waqti badan qaata, waxayna qaadan kartaa ilaa 100 saacadood, iyadoo shaqada sameynteeda la bilaabo lix bilood ka hor xafladda abaalmarinta sanad kasta.
Qiimaha lagu qiyaaso abaalmarinta Ballon d’Or wuxuu inta badan ka tarjumayaa farsamada iyo sharafta ku xeeran halkii laga tixgelin lahaa qiimaha suuqyada ee agabka loo isticmaalay.
Waxaa lagu qiyaasaa qiimaheeda inuu u dhexeeyo $3,000 ilaa $13,500, iyadoo la tixgelinayo kharashka agabka iyo samaynteeda. Si kastaba ha ahaatee, qiimaha dhabta ah wuxuu ku jiraa dhaxalka iyo aqoonsiga ay siiso ciyaartoyda ku guuleysta.
