Reds ayaa wayday bartilmaameedkii ugu sareeyay ee suuqa kala iibsiga xagaagan, laakiin nin la ilaaway ayaa ka caawinaya inay si dhakhso ah uga gudbaan niyad jabkan.
Runtii, Gravenberch shaqadiisa u dambaysay waxay ahayd sheeko karti aan la buuxin.
Waxaa jiray waqti lagu amaanay mustaqbalka kubada cagta Holland.
2018, waxa uu noqday ciyaaryahankii ugu da’da yaraa abid ee Ajax , isagoo ku garaacay rikoorkas halyeeyga Clarence Seedorf in ka badan 100 maalmood isagoo 16 jir ah.
Mid ka mid ah sababaha ugu waaweyn ee Liverpool ay xagaagan u shaqaaleysiisay Slot waxay ahayd rikoorkiisa horumarka ciyaartoyda.
Waxaa laga yaabaa inay weli tahay maalmo hore, laakiin waxaa jiray wax badan oo soo jeedinaya in xirfadani ay kasii socon doonto Anfield.
Diaz, oo muddo dheer lagu qosliyey degenaansho la’aantiisa goolka hortiisa, ayaa durba dhaliyay seddex jeer ka dib markii uu si adag ula shaqeeyay tababaraha Reds.
Szoboszlai, ayaa dhanka kale, la xoreeyay, isagoo soo bandhigay awoodiisa wax qabad.
Gravenberch ayaa haatan ku kobcaya nidaamka 4-2-3-1 ee Slot.
Isagoo ka garab ciyaaray Mac Allister.
Intii lagu guda jiray guushii IpswichTown, Gravenberch ayaa kubbada si ka fiican uga faa’iidaysanayay ciyaartoy kasta oo Liverpool ah, wuxuuna dhammaystiray sagaal baas.
Si kastaba ha ahaatee, Slot ayaa ku qancay xiddigan isagoo haatan u arka inuu gacan adag uu ku qaban karo booska lambarka 6aad.
