"Aniga Ima Weydiiyaan, Waayo Anigu Ma Dhalin..." - Carlo Ancelotti Oo Si Layaableh Uga Hadlay SADDEX Ciyaartoy Oo Real Madrid Ah

Tababaraha kooxda kubadda cagta Real Madrid ee Carlo Ancelotti ayaa la layaableh uga hadlay mustaqbalka saddex ciyaartoy oo kooxdiisa ah oo la weydiiyey, kuwaas oo hadal-hayn kala duwan ay kasoo baxayso inay joogayaan Santiago Bernabeu iyo inay ka tegayaan.

Carlo Ancelotti oo ay kooxdiisu ku guuleysatay horyaalka LaLiga iyo Spanish Super Cup xilli-ciyaareedkan, ayaa waxa ay sidoo kale isku diyaarinayaan finalka Champions League oo ay Sabtida soo socota la dheeli doonaan Borussia Dortmund.

Los Blancos oo xalay macasalaamaysay Toni Kroos oo ciyaaraha ka fadhiistay, ayaa waxa sidoo kale ay war ka sugaysaa kabtankeeda Nacho Fernandez, Luka Modric iyo Lucas Vazquez oo dhamaantood qandaraasyadoodu dhamaad yihiin.

Carlo Ancelotti oo la weydiiyey mustaqbalka Modric, Vazquez iyo Nacho iyo haddii ay iyagu la-tashadeen ayaa waxa uu kujawaabay: “Aniga waxba ima aanay weydiinin sababtoo ah iyagu ma aha carruurtayda. Way garanayaan waxa ay samaynayaan, annaguna waanu ixtiraamaynaa go’aankooda.”

Inkasta oo Carlo Ancelotti uu sidan cajiibka ah uga jawaabay mustaqbalka ciyaartoydan, haddana warbaahinta waddanka Spain ayaa sheegaysa in Lucas Vazquez uu ogolaaday inuu heshiis cusub oo sannad ah u saxeexo kooxdiisa, isaga oo beddel u ahaan doona Dani Carvajal.

Sidoo kale, Luka Modric ayay Real Madrid u bandhigtay heshiis sannad ah oo aanu wali uga jawaabin, halka Nacho uu u muuqanayo in uu ka tegayo kooxda oo aanu sii joogi doonin.

“Aniga Ima Weydiiyaan, Waayo Anigu Ma Dhalin…” – Carlo Ancelotti Oo Si Layaableh Uga Hadlay SADDEX Ciyaartoy Oo Real Madrid Ah

Abdiwahab Ahmed

Related Stories

Mikel Arteta oo Ka Jawaabay Culeys Bukayo Saka Ku Heysta Arsenal

Barcelona oo Ku Dhaw Saxiixa Weeraryahan 45 Milyan Lagu Qiimeeyo

Sofyan Amrabat Oo Ka Hadlay Mustaqbalkiisa Manchester United Kaddib Guushii FA Cup - Miyuu Sii Joogayaa?

Leave a Reply Cancel reply

Haddii aad dooneyso xayaysiis nagala soo xiriir whatsapp-ka ‪+252613708878‬