Tababaraha kooxda kubadda cagta PSG ee Luis Enrique ayaa magacaabay kooxda uu doonayo inay ku guuleysato Champions League, kaddib markii ay xalay kooxdiisu ka hadhay tartanka oo ay semi-finalka ku reebtay Borussia Dortmund.
PSG ayaa labadii lugood ee semi-finalka ee labada garoon, waxa min 1-0 kaga adkaatay Borussia Dortmund oo iska xaadirisay finalka oo ay ku sugayso Real Madrid iyo Bayern Munich midkooda soo gudba caawa.
Borussia Dortmund oo kaalinta shanaad kaga jirta horyaalka Bundesliga oo 24 dhibcood ka dambaysa Bayer Leverkusen oo horyaalka ku guuleysatay, ayaa waxa ay tagtay finalka Champions League oo ay ugu dambaysay sannadkii 2013, waqtigaas oo ay Bayern Munich iskugu soo baxeen isla markaana koobka laga qaaday.
Sannadkii 1997kii ayay Borussia Dortmund koobka ku guuleysatay iyadoo finalkii ku garaacday Juventus, waxaana qaabka ay u ciyaarayaan uu cabsi gelinayaa Real Madrid iyo Bayern Munich midkooda soo baxaba.
