Taageerayaasha Liverpool ayaa dhaleeceeyay hal ciyaaryahan ka dib guuldaradii cusleyd ee ka soo gaartay Atalanta koobka Europa League.
Liverpool oo barbaro 2-2 ah la gashay todobaadkan Manchester United ayaa ku soo laabatay tartanka Europa League iyagoo xalay martigeliyay Atalanta.
Waxaana soo gaartay guuldarro 3-0 ah ciyaartii ka dhacday Anfield iyadoo Gianluca Scamacca uu labo gool dhaliyay.
Reds ayaa awoodi weysay inay shabaqa soo taabato iyagoo iska qasaariyay fursado waa weyn oo ay ku jirto kubad gool loo fishay uu qasaariyay Darwin Nunez qeybtii hore ee ciyaarta.
Iyadoo ciyaarta ay 0-0 tahay ayuu Nunez qasaariyay kubad gool loo fishay taasoo keentay in la bedelo qeybtii labaad iyadoo taageerayaasha ay dhaleeceeyeen xiddiga reer Uruguay.
Taageerayaasha Liverpool ee baraha bulshada ayaa ku baaqay in keyd la geliyo Darwin Nunez madaama qasaaradiisa goolka ay badan tahay.
This isn't good enough, and it's starting to cost Liverpool. pic.twitter.com/QC8d92tliZ
— Anfield Football (@AnfieldFootball) April 11, 2024
Taageere careysan ayaa X ku soo qoray: “Haatan waad aragtaan sababta aan ugu careysanahay Nunez inuu qasaariyay fursadaas. Waa muhiim weyn inaad dhaliso fursadahaaga.”
Mid labaad ayaa soo qoray: “Nunez waligiis isma bedeli doono. Igama ahan inaan weerarayo, waxaan idiin sheegayaa kaliya inuusan waligiis isbedeli doonin.”
Mid kale ayaa soo qoray: “Daacadii ma aamini karo waxa aan ka arkayo Nunez, waa musiibo.”
Mid kale ayaa soo qoray: “Nunez waa doqon. Marnaba ma qaato go’aanka saxda ah. Ma garanayo sida loo tababari karo qof isaga oo kale ah.”
Taageere kale ayaa yiri: “Eeg farqiga u dhaxeeya Scammaca iyo Nunez, runtii waa wax lagu qoslo sida uu ugu xun yahay goolka hortiisa.”
Lugta labaad ee wareega 8da Europa League waxaa la ciyaarayaa Khamiista soo socota.
