Kooxda kubadda cagta Real Madrid ayaa afduubanaysa xiddiga reer Brazil ee Estevao William ee lagu naanayso ‘Messinho’ oo ay kooxo waaweyn oo reer Yurub ah sida Manchester United, Barcelona, Chelsea, Arsenal iyo waliba Manchester City.
Estevao oo bishan ay da’diisu noqon doonto 17 jir, ayaa waxa uu u ciyaaraa kooxda Palmeiras ee horyaalka Brazil, waxaanay iska garab ciyaaraan Edrick oo isagana ay Real Madrid la saxeexatay laba sannadood ka hor isla markaana xagaaga soo gaadhi doona Madrid.
Sida uu ku warramayo wargeyska Defensa Central, Real Madrid ayaa tallaabooyin u jirta heshiiska Messiho oo qiimihiisa lagu sheegay illaa 90 milyan oo Euro, ayaa waxa Los Blancos ay noqotay kooxda ugu cadcad iyadoo uu Florentino Perez adeegsanayo Edrick, Vinicius Junior, Rodrygo iyo Militao oo dhamaantood ku cadaadinaya inuu kula soo biiro Real Madrid.
Real Madrid ayaa la sheegay in ay doonayso inay bixiso lacag ka badan inta lagu burburin karayo qandaraaskiisa Palmeiras oo ah €60 milyan oo Gini, waxaanay diyaar u tahay inay u shubto €90 milyan oo Euro.
