Ciyaartoyda kooxda kubadda cagta Manchester United ayaa u duulay magaalada London iyadoo uu wehelinayo difaaca reer France ee Raphael Varane oo kasoo kabtay dhaawac uu kaga baxay ciyaartii Brentford ee Sabtidii.
Saaka ayaa garoonka diyaaraha ee Stockport ay ka duuleen ciyaartoyda Manchester United oo kusii jeeda magaalada London oo ay caawa marti ugu yihiin Chelsea, waxaana xiddigaha uu Erik Ten Hag waqtiga horeba liiskiisa kusii darsaday ka mid noqday saddexda laacib ee soo laabtay ee Harry Maguire, Jonny Evans iyo Varane.
Laakiin waxa aan liiska ku jirin Victor Lindelof iyo Lisandro Martinez oo muddo bil ah ku maqnaanaya dhaawacyo kasoo gaadhay ciyaartii Brentford.
Manchester United oo 11 dhibcood ka dambaysa Aston Villa oo kaalinta afraad ku jirta, isla markaana xalay ay Manchester City ku tumatay, ayaa haysata fursad ay kusoo dhowaato, iyadoo sidoo kalena Salaasadii ay West Ham qabatay Tottenham oo iyaduna sagaal dhibcood ka sarraysa Red Devils.
Waa kuwan liiska xiddigaha Manchester United ee maanta u safray London:
Onana, Heaton, Bayindir, Dalot, Maguire, Evans, Varane, Kambwala, Wan-Bissaka, Casemiro, Amrabat, McTominay, Mainoo, Eriksen, Mount, Fernandes, Garnacho, Antony, Amad, Rashford, Hojlund
