Maamulaha Arsenal, Mikel Arteta, ayaa ku adkeystay inuusan aargoosi ku wajihi doonin marka uu wajahayo Ruben Amorim kulan ka tirsan Premier League habeenka Arbacada.
Tababarihii hore ee Sporting Amorim, ayaa Gunners ka saartay tartanka Europa League xili ciyaareedkii 2023, waana wax ay wali ka careysan yihiin taageerayaasha Arsenal.
Toddobaadkii hore, kooxda Arteta ayaa 5-1 ku garaacay kooxda reer Portugal ciyaar ka tirsan Champions League, laakiin ma hogaamineyn Amorim.
Si kastaba ha ahaatee, waa markii ugu horeysay ee labada tababare ay iska hor imaanayaa tan iyo kulankii Europa League ee sanadkii hore.
Markii wax laga waydiiyay, Arteta kulankaan uu wajaho Amorim, waxa u sheegay ma ahan aargoosi , waa kulan caadi ah oo aan wada ciyaareyno.
“Kubadda cagta, malahan aargoosi, waa muhiim inaan badino, laakiin macnaheedu ma ahan inaan doonayo aargoosi “ayuu yiri Arteta.
Arsenal oo fadhida kaalinta labaad ee Premier League ayaa soo dhaweyn doonta habeenka arbacada Man Utd oo kujirta kaalinta 9-aad ee kala sareynta horyaalka England.
