Inter Milan ayaa doonaysa inay la saxeexato weeraryahanka reer France ee Anthony Martial oo ah 28 jir si xor ah kaga tegaya Manchester United, laakiin haddii ay helayaan, waxa ay Inter ka doorbidaysaa Albert Gudmundsson oo 26 jir ah oo u ciyaara Genoa. (Gazzetta dello Sport)
Brighton ma doonayso inay sii haysato Ansu Fati oo ay xagaagii amaah kaga soo qaadatay Barcelona, laakiin kooxaha Wolves, Valencia iyo Sevilla ayaa danaynaya 21 jirkan reer Spain. (Sport)
Everton waxa ay dalban doontaa £40 milyan oo Gini haddii laga soo dalbado weeraryahanka reer England ee Dominik Szoboszlai xagaagan. (Football Insider)
Amadou Onana oo lagu naanayso Yaya Toure-ha cusub, ayaa la filayaa inuu ka tago Everton xagaagan, iyadoo kooxdiisu ay go’aamisay inay ku iibiso £50-60 milyan oo Gini 22 jirkan reer Belgium. (Football Insider)
Difaaca England ee Jarrad Branthwaite oo 21 jir ah ayaan wali go’aan ka gaadhin mustaqbalkiisa inkasta oo lala xidhiidhinayo kooxo badan oo reer Yurub ah. (Liverpool Echo)
Juventus waxa ay heshiis mabda’ ah la gaadhay tababaraha kooxda Bologna ee Thiago Motta si uu u noqdo macallinkooda cusub ee beddelaya Max Allegri. Motta ayaa wacdaro ka dhigaya garoomada. (Calcio mercato)
Garabka weerarka Talyaaniga ee Nicolo Zaniolo ayaa doonaya inuu dib ugu laabto horyaalka Talyaaniga kaddib marka uu dhamaado heshiiska amaahda ah ee ay Galatasaray ugu dirtay Aston Villa. Kooxaha sida Fiorentina iyo Napoli ayaa lala xidhiidhinayaa 24 jirkan. (Gazzetta dello Sport)
Manchester United waxay caddaysay inay doonayso difaaca reer Spain ee Miguel Gutierrez oo u dheela kooxda Girona laakiin ay mulkiyaddiisa kala-badh leedahay Real Madrid. 22 jirkan ayaa waxa sidoo kale doonaysa Arsenal. (Mirror)
Real Madrid waxa ay si dhow ula socotaa 16 jirka khadka dhexe ee reer Franco Mastantuono oo u dhashay waddanka Argentina, una ciyaara River Plate, kaas oo sidoo kale ay doonayaan Chelsea iyo PSG. (Fabrizio Romano)
Barcelona iyo Manchester City ayaa iyaguna isku dayaya inay Mastantuono helaan iyadoo ay soo baxday in qandaraaskiisa River Plate lagu burburin karayo 45 milyan oo Euro. (Sport)
Manchester United ayaa waxa ay la xidhiidhay weeraryahanka reer Brazil ee Thalys oo ah 19 jir u ciyaara kooxda Palmeiras. (Teamtalk)
