Gary Neville oo si xun ugu maadsaday Pep Guardiola kadib markii Salford ay Man City ku aadeen FA Cup.
Gary Neville ayaa baraha bulshada si kaftan ah uga maadsaday Pep Guardiola kadib markii kooxda Salford City ay ku aadeen Manchester City wareegga saddexaad ee FA Cup.
Isku aadka FA Cup ee Isniintii ayaa sababay kulamo xiiso badan, kuwaas oo ay ka mid tahay booqashada Salford ee garoonka kooxda difaacaneysa horyaalka Premier League, Manchester City.
Kooxda League Two ka dhisan ayaa laga yaabaa inay rajo ka qabto kulankan iyadoo City ay ku jirto qaab ciyaareed liita, kaddib markii ay afar guuldarro oo xiriir ah kala kulantay Premier League, sidoo kale waxaa laga badiyay Tottenham kulankii Carabao Cup iyo Sporting kulankii Champions League.
Neville, oo ah halyeyga Manchester United, ayaa xaaladda sii kululeeyay isagoo si aan naxariis lahayn ugafay Guardiola. Wuxuu bartiisa X ku qoray:
“Waa la eryi doonaa subaxa dambe,” isaga oo sidoo kale ku xusay bogga rasmiga ah ee Salford.
Guardiola ayaa uga jawaabay eedeymaha eryiddiisa isagoo lix farood kor u taagay si uu u muujiyo tirada horyaallada uu kula guuleystay City.
Ka dib kulanka, Guardiola ayaa yiri:
“Ma aanan filaneyn in tan laiigu sameeyo Anfield.”
