Taageerayaasha Liverpool ayaa dhumiyay sabarkii ay u hayeen weeraryahan Darwin Nunez inkastoo ay 4-2 ku garaaceen kooxda Tottenham.
Liverpool ayaa wadada guulaha ku soo laabatay, waxayna doonayaan inay ku dhameystaan boos fiican ka dib markii ay ka quusteen hanashada horyaalka Premier League.
Inkastoo ay Liverpool badisay hadana taageerayaasha ayaa weerar ku qaaday Darwin Nunez oo ciyaarta bedel ku soo galay qeybtii labaad.
Nunez ayaa bedelay Luis Diaz wuxuuna ku guuleystay inuu saameyn weyn yeesho iyadoo taageerayaasha ay ku weerareen qaab ciyaareedkii liitay ee uu soo bandhigay.
Waxa uu qasaariyay fursad dahabi aheyd uu helay, halka offside dhex taagnaa ka dib kubad uu u dhigay Salah.
Qaab ciyaareedkiisa ayaa ka careysiiyay taageerayaasha Liverpool ee baraha bulshada oo dareenkooda soo bandhigay.
Taageere ayaa X ku soo qoray: “Darwin Nunez, sabarkii aan ku heynay si aayar ah ayaan u dhumineynaa.”
Mid labaad ayaa yiri: “Lixdan ilbiqirsi ayaa soo koobtay waxa uu Darwin Nunez yahay. Wuxuu qalday kubad rogaal celis ah oo labo ka hal ah, hadana inkastoo uu baas sax ah dhigay waxa uu dhex fariistay offside fursad kale.”
Taageere kale ayaa soo qoray: “Wadahadalo aan fiicneyn waa in laga yeesho Darwin Nunez, wuxuu ina seejiyay horyaalka, kama sii mid ahaan karo kooxda isagoo ku fadhiya 75 milyan ginni, gabi ahaanba ma ahan mid ku haboon kooxda, waa in la iibiyo.”
Mid afaraad ayaa yiri: “Wax qiimeyn ah uma hayo Darwin Nunez. Waan ku qaldanaa inaan taageero.”
