Tababaraha Liverpool, Arne Slot, ayaa helay war wanaagsan ka hor kulamada muhiimka ah ee kooxdiisu wajaheyso Southampton iyo Real Madrid.
Liverpool, oo haatan ku jirta kaalinta koowaad ee horyaalka Premier League, ayaa leh 28 dhibcood, halka ay sidoo kale hoggaanka u hayaan tartanka Champions League, iyagoo helay 12 dhibcood.
Kooxda ayaa shaacisay muuqaal muujinaya goolhaye Alisson Becker oo dib ugu soo laabtay tababarka buuxa, kaddib dhaawac jilibka ah oo uu la maqnaa muddo lix toddobaad ah. Alisson ayaa la filayaa inuu ku soo bilowdo kulanka ay Liverpool la ciyaari doonto Southampton Sabtida, iyo sidoo kale kulanka Champions League ee Real Madrid.
Ciyaartan oo muhiim ah ayaa Liverpool fursad u siin karta inay sii xoojiso hoggaanka ay u hayso labada tartanba, iyadoo taageerayaasha kooxdu ay si weyn u sugayaan inay arkaan goolhayahooda ugu muhiimsan oo dib ugu soo laabtay shaxda.
Liverpool ayaa Sabtida garoonkeeda Anfield ku soo dhaweyn doonta Southampton kulan Premier League ah.
