Xiddiga kooxda Al-Ittihad ee Karim Benzema ayaa ka hadlay abaalmarintii Ballon d’Or-ka oo lagu kala baxay maalintii isniintii.
Xiddiga Man City ee Rodri ayaa ku guulaystay abaalmarinta Ballon d’Or-ka sanadka 2024 isaga oo ku garaacay xiddiga Vini Jr.
“Waan arkay waxa uu sameeyay Vinicius, ma doonayo in aan ka hadlo France Football ama France, tani maahan kaliya sanadkan oo kaliya, laakiin xitaa sanadkii hore, iyo markii aan joogay Real Madrid sidoo kale, Vinicius waa ciyaaryahan si adag u shaqeeya doorkiisuna kuma koobna gool dhalinta”.
“Waxaan la hadlay Vinicius, wuuna murugeysan yahay, tani waa wax iska caadi ah, wuu u qalmay inuu ku guuleysto Ballon d’Or.”
“Waa wiil wanaagsan, waxaana hubaa inuu si adag u shaqeyn doono oo uu maalin uun ku guuleysan doono Ballon d’Or.”
“Xaaladdu way adag tahay marka adduunka oo dhami arko inaad u qalanto Ballon d’Or, laakiin wax yar ka hor inta aan lagu dhawaaqin laguu sheego in aanad ku guulaysan doonin, arintaas way adagtahay”.
“Kama soo hor jeedo Rodri, waa ciyaaryahan aad u wanaagsan laakiin marka aan daawado isaga oo ciyaaraya wuu iska taagnaadaa mana sameeyo wax lagu qanci karo”.
Karim Benzema, xiddiga kooxda Al-Ittihad, ayaa sidoo kale muujiyay in doorashada abaalmarinta Ballon d’Or ay marar badan tahay mid muran dhalin karta, isaga oo tilmaamay in xiddigaha caanka ah la saaro cadaadis xooggan. Isaga oo hadalkiisa sii wata, wuxuu sheegay in cadaadiska ka imanaya saxaafadda iyo taageerayaasha uu mararka qaarkood ka dhigi karo go’aamada abaalmarinta mid aan cadaalad ahayn.
“Waxaan aaminsanahay in ciyaartoy kasta uu leeyahay waqti u gaar ah, oo ay tahay in la siiyo fursad ay ku muujin karaan xirfadooda.” ayuu yiri Benzema.
Wuxuu intaas ku daray in Vinicius Jr. uu yahay mid ka mid ah ciyaartoyda leh mustaqbal ifaya, isla markaana uu ku guulaysan doono abaalmarinaha mustaqbalka haddii uu sii wado shaqadiisa adag.
