Arsenal waxaa soo wajahay walaac kale oo cusub, iyadoo Bukayo Saka uu soo gaaray dhaawac kulankii ay la ciyaareen Crystal Palace.
Laacibka garabka ka ciyaara ayaa si qurux badan ku bilowday kulanka, isagoo abuuray dhowr fursad oo karoosyo ah, laakiin wax badan kuma sii jirin garoonka markii uu soo gaaray dhaawac.
Dhibaato dhaawac ka soo gaaray lugta ayaa keentay inuu dhulka fariisto, waxaana ugu dambeyn Arteta uu go’aansaday inuu kulanka ka saaro.
Ka dib markii la baaray, Saka waxaa lagu bedelay Leandro Trossard, maadaama uu awoodi waayay inuu sii wato ciyaarta.
Kani waa welwel weyn oo soo wajahay Arsenal oo muhiim uu u ahaa Saka xili ciyaareedkaan.
Lama hubo nooca dhaawaca gaaray Saka iyo inta uu qaadan karo, walina wax war rasmi ah kama soo bixin Arsenal.
