Kullan wacan aqristayaasheena sharafta badan, waxaan halkaan kusoo gudbin doonaa wararkii ugu dambeeyay wargeysyada iyo suuqa kala iibsiga ciyaartooyda maanta oo talaado ah.
Bayern Munich ayaa kula biirtay Paris Saint-Germain dagaalka loogu jiro saxiixa garabka Manchester United Marcus Rashford, halka kooxda Ligue 1 ka dhisan ee Marseille ay sidoo kale dooneyso ciyaaryahanka reer England. (TEAMtalk)
Joshua Zirkzee wuxuu ka shalaayay go’aankii uu ugu dhaqaaqay Old Trafford xagaagii, waxaana la saadaaliyay inuu ku laaban karo Talyaaniga, xili Juventus iyo Milan ay amaah ku doonayaan. (Calciomercato – Italy)
Arsenal ayaa waxaa soo jiitay xiddiga Brentford Bryan Mbeumo, waxaana Gunners ay raadineysaa inay u dhaqaaqdo, iyadoo loo arko bedelka Bukayo Saka. (Football Insider )
Bayer Leverkusen ayaa isku diyaarinaysa inay lumiso tababare Xabi Alonso, iyadoo labada kooxood ee Real Madrid iyo Manchester City ay isha ku hayaan ciyaaryahankii hore ee khadka dhexe Spain. (Sky – Germany)
Barcelona ayaa sare u qaaday wada xaajoodka heshiis kordhinta ciyaartooyda Fermin Lopez. Gavi, Pedri, Frenkie de Jong iyo Ronald Araujo (Fabrizio Romano)
Araujo ayaa sidoo kale diirada u saaran kooxaha Man Utd iyo Chelsea, iyadoo qandaraaskiisa haatan uu dhacayo 2026. (CaughtOffside).
Kyle Walker waxa uu ku soo baxay liiska tiro ciyaartooy ah oo laga doonayo Saudi Pro, iyadoo Al-Ahli ay xiisaynayso. Daafaca reer England ayaa Man City kaga tagi kara kaliya haddii 20 milyan oo gini miiska loo saaro. (The Sun)
Tottenham Hotspur ayaa raadineysa saxiixa weeraryahanka Ipswich Town Liam Delap, kaasoo qiimihiisu yahay €40m, laakiin Arsenal, Newcastle United, Aston Villa iyo kooxdiisii hore ee Man City ayaa dhamaantood xiiseynaya. (Caughtoffside)
