Kullan wacan aqristayaasheena sharafta badan, waxaan halkaan kusoo gudbin doonaa wararkii ugu dambeeyay wargeysyada iyo suuqa kala iibsiga ciyaartooyda maanta oo Khamiis ah.
Marcus Rashford ayaa codsaday inuu isaga tago Manchester United, waxaana xiiso uu ka heystaa Aston Villa iyo Marseille, laakiin waa kooxda Antonio Conte ee Napoli ay tahay mida uu aadi karo xiddiga heerka caalami ee dalka England. (El Nacional – Spain)
Sidoo kale waxaa laga yaabaa inuu ka baxo Man Utd Antony, kaasoo amaah lagu diri karo Janaayo. Tiro ka mid ah kooxaha Premier League ayaa xiiso u qaba. (GOAL Brasil)
Manchester City ayaa u aqoonsatay weeraryahanka Sporting CP Viktor Gyokeres bedelka mustaqbalka fog ee Erling Haaland. (Sky Sport Switzerland)
Chelsea ayaa dalban doonta 30 milyan oo ginni haddii ciyaaryahanka khadka dhexe ee Carney Chukwuemeka uu ku biirayo Barcelona. (TEAMtalk)
Chukwuemeka waxaa lagu bedeli karaa ciyaaryahanka khadka dhexe ee Getafe Christantus Uche, 21 jirkaan waxaa xiiso u qaba Bules. (Matteo Moretto)
Iyada oo la filayo in uu Kevin De Bruyne ka tago Man City xiddiga khadka dhexe ee Real Madrid Arda Guler ayaa hogaaminaya xiddigaha bedeli kara (Fichajes – Spain)
Arsenal iyo Liverpool ayaa labadooduba diyaar u ah inay dalab u gudbiyaan xiddiga Real Madrid Rodrygo, kaasoo loo ogolaan doono inuu kaga tago Santiago Bernabeu (Fichajes – Spain)
Daafaca Celta Vigo Oscar Mingueza, ayaa sidoo kale xiiso ay u qabaan Liverpool iyadoo loo arko bedelka mustaqbalka Trent Alexander-Arnold. (Fichajes – Spain)
Chelsea ayaa ku dartay daafaca Benfica Antonio Silva liiska daafacyada dhexe ee ay ka doonayaan suuqa January. (Simon Phillips)
