Kooxaha Barcelona iyo Manchester City ayaa wadahadalo la yeeshay wakiilada 25 jirka khadka dhexe uga ciyaara kooxda RB Leipzig ee Dani Olmo todobaadkii hore. (Mundo Deportivo)
Chelsea iyo Barcelona ayaa ka mid ah kooxo dhowr ah oo reer Yurub ah oo doonaya inay u dhaqaaqaan 30 jirka weerarka uga ciyaara kooxda Roma iyo xulka Argentina Paulo Dybala. (Rudy Galetti)
Daaficii hore ee Mexico Rafa Marquez ayaa ka mid ah musharixiinta u sharaxan in ay badalaan Xavi marka uu tababaraha reer Spain ka tago kooxda Barcelona dhamaadka xilli ciyaareedkan. (ESPN)
Bayern Munich iyo Tottenham ayaa kula biiray Manchester United tartanka loogu jiro saxiixa 21 jirka daafaca uga ciyaara Everton Jarrad Branthwaite. (Teamtalk)
Kooxaha Saudi Pro League ayaa xiiseynaya ciyaaryahanka khadka dhexe ee Senegal Idrissa Gana Gueye, oo 34 jir ah, kaasoo ay u badan tahay inay Everton u soo bandhigto heshiis cusub marka uu qandaraaskiisu dhaco dhamaadka xilli ciyaareedkan. (Football Insider)
Newcastle iyo Liverpool ayaa soo galay tartanka loogu jiro saxiixa 20-jirka reer Ivory Coast ee daafaca uga ciyaara kooxda Sporting Lisbon Ousmane Diomande, kaasoo sidoo kale ay dooneyso Chelsea. (Football Transfers)
Newcastle ayaa indha indheeyayaal u dirtay daawashada 22 jirka khadka dhexe ee Boca Juniors ee Kevin Zenon iyo 23 jirka daafaca uga ciyaara Argentine Nicolas Valentini. (HITC)
Nottingham Forest ayaa wax ka badan 20 milyan ginni ku dooneysa 21 jirka daafaca dhexe ee Brazil Murillo iyadoo ay xiiseynayaan Liverpool, Chelsea, Manchester United iyo Paris St-Germain. (Football Insider)
Manchester United ayaa laga yaabaa inay Mason Greenwood u soo bandhigto qayb ka mid ah heshiiska ay kula soo wareegayso daafaca Brazil Gleison Bremer, oo 27 jir ah, kana tirsan Juventus. (Gazzetta dello Sport)
