Real Madrid ayaa haatan ku raad joogta xiddiga Chelsea Cole Palmer ka dib markii qaab ciyaareed joogta ah oo qurux badan uu sameeyay xiddiga reer England tan iyo markii uu u soo dhaqaaqay Stamford Bridge. (Fichajes – Spain)
AC Milan ayaa diyaar u ah inay u ogolaato kabtanka kooxda Theo Hernandez inuu ka tago xagaagan, laakiin waxay dalban doonaan 50 milyan euro, Manchester United ayaa si weyn u dooneysa daafaca dambeedka bidix ee France, halka Madrid sidoo kale lala xiriirinayo. (Calciomercato – Italy)
Rajada Paul Pogba inuu dib ugu laabto xulka qaranka France ayaa dhici karta haddii uu ku biiro Marseille. Kooxda ka dhisan Ligue 1 ayaa taageere weyn u ah ciyaaryahankii hore ee khadka dhexe ee Juventus, (RMC Sport – France)
Liverpool ayaa ka mid ah kooxo badan oo sarsare oo isha ku haya laacibka Bologna Sam Beukema, iyadoo Arne Slot la sheegay inuu yahay shaqsiga gadaal ka riixaya heshiiskaan(TEAMtalk)
Manchester City ayaa si aad ah u doonaysa inay Florian Wirtz kala soo wareegto Bayer Leverkusen,
waxayna isku dayaysaa in ay Oscar Bobb ama James McAtee midkood u adeegsato saxiixaan. (TBR Football)
Man Utd ayaa gabi ahaanba meesha ka saartay doorkoodii agaasimaha ciyaaraha mana qorsheynayaan inay bedelaan Dan Ashworth oo dhawaan ka tagay. (The Sun)
Dominic Calvert-Lewin ayaa la filayaa inuu ka dhaqaaqo Everton, waxaana laga yaabaa inuu u dhaqaaqo AC Milan, West Ham United iyo Newcastle United, halka Arsenal sidoo kale loo arko koox macquul ah. (The Sun)
Ciyaaryahanka da’da yar ee Diego Kochen ayaa heshiis cusub u saxiixay Barcelona kaasoo socon doona ilaa 2028. (The Athletic).
Real Madrid ayaa sii wadi doonta wadahadalada heshiis kordhinta ee xiddiga daafaca ka ciyaara ee Raul Asencio. (Relevo – Spain)
West Ham ayaa kordhin doonta xiisaha ay u qabto weeraryahanka Brighton & Hove Albion Evan Ferguson inta lagu guda jiro suuqa kala iibsiga bisha Janaayo. (Footbal Insider )
Ciyaaryahanka heerka caalami ee dalka Jarmalka Leroy Sane ayaa weli doonaya inuu sii joogo Bayern Munich inkastoo uusan wax qandaraas ah ka helin kooxda Bundesliga ka dhisan, iyadoo qandaraaskiisa haatan uu dhacayo dhamaadka xilli ciyaareedkan. (Sky Sports – Germany)
