Daafaca dhexe ee Real Madrid Antonio Rudiger ayaa la weydiiyey difaaca dhexe ee kubada cagta ugu fiican wakhti xaadirkaan, Rudiger ayaa sheegay inuu yahay William Saliba.
Daafaca dhexe ee kooxda Real Madrid ayaa sidoo kale aaminsan in Gabriel iyo Saliba ay yihiin labada difaac dhexe lamaane ee ugu fiican kubada cagta wakhti xaadirkan.
Rudiger ayaa yidhi mar la weydiiyay inuu sheego difaaca dhexe ee heerka ugu saraysa u ciyaaraya wakhtigan ” William Saliba, sidoo kale Gabriel wuu fiicanyahay, hadii aad daawato Arsenal, labada difaac dhexe waxa ay qabanayaan shaqo aan caadi ahayn, labadii sano ee ugu dambeeyay, isbadalka Arsenal ku yimi sanadihii u dambeeyay, iyagaa udub dhexaad u ah, waxaad haysataa Gabriel oo ah mid xoogan, hogaamiye iyo sidoo kale Saliba oo ah mid si degan u ciyaara, wuxu u muuqda hogaamiye aamusan.”
Mar la weydiiyey difaac uu jeclaan lahaa in Real Madrid lasoo saxeexato ayuu ku jawaabay: ” waxaan odhan lahaa William Saliba.”
