Xidigii hore ee Barcelona Sergio Aguero ayaa dhawaan amaanay Lamine Yamal oo ah xiddig da’yar oo tayo badan.Waxa uu Aguero sheegay in laga yaabo in Yamal uu ka fiican yahay xiddiga Real Madrid ee Vinicius Jr.
Aguero ayaa aaminsan in Yamal uu ka tayo iyo karti badan yahay Vinicius, inkastoo Vinicius uu leeyahay khibrad sare halka uu kula guuleystay Real Madrid koobab badan.
Aguero ayaa sharxay in Vinicius uu horay uga mid ahaa “3-da ciyaaryahan ee ugu fiican” adduunka, laakiin uu hadda ka doorbidayo Yamal da’diisa iyo xirfadiisa awgeed.
Waxa uu xusay in halka Vinicius uu ku guuleystay koobab badan, Yamal qaab ciyaareedkiisa iyo kartidiisa ayaa ka dhigaya mid soo jiita indhaha caalamka.
Haddii fursad loo siiyo doorasho shax, Aguero waxa uu labada garab ka dhigi lahaa Yamal iyo Vinicius, isagoo abuuraya lamaane awood leh oo sida Messi iyo Neymar oo kale ah.
Aguero waxa uu qabaa in labadaan ciyaaryahan ay riyo ku noqon doonaan kuwa ka soo horjeeda, si la mid ah wadashaqeyntii ka dhaxeysay Messi iyo Neymar markii ay ku wada sugnaayeen Barcelona.
