Liverpool ayaa barbaro 1-1 ah la gashay Nottingham Forest, iyadoo gool uu daqiiqaddii 8-aad dhaliyay Chris Wood ay ku khasabtay in ay ka soo laabtaan kaddib markii ay khalad ku galeen kubad isku dhufsasho laheyd qeybtii hore ee ciyaarta.
Diogo Jota, oo beddel ku yimid, ayaa dhaliyay goolka barbaraha isagoo ka faa’iideystay laad xor ah oo uu soo qaaday Kostas Tsimikas, laakiin guul ma aysan helin, inkastoo ay haystaan kulan baaqi ah.
Jamie Carragher, oo falcelin ka bixinayay natiijada, ayaa ku booriyay Liverpool inay suuqa kala iibsiga bisha Janaayo ku xoojiyaan daafacooda:
“Liverpool waxey aheyd iney ciyaartaan badiso, waxayna weli abuuraan fursado waaweyn xitaa marka aysan badin, laakiin xasilloonida difaaca ee bilowgii xilli-ciyaareedka waa ay lumiyeen. Waxey mar walba u muuqdaan kuwo gool laga dhalin karo. Iibsada daafac!!!!”
Liverpool ayaa 20 gool laga dhaliyay 20 kulan oo Premier League ah, taasoo ka dhigaysa rikoor ka wanaagsan kan Arsenal oo kaalinta 3-aad, laakiin hal mar ayey shabaqooda ilaashadeen todobadii kulan ee ugu dambeysay.
Inkastoo tirakoobkani uusan si buuxda u taageerin sheegashada Carragher, xaaladda qandaraaska ee daafacyada muhiimka ah sida Virgil van Dijk iyo Trent Alexander-Arnold ayaa laga yaabaa inay culeys saarayso kooxda.
Tababaraha Liverpool, Arne Slot, oo ka hadlayay ciyaarta ayaa sheegay:
“Waxaad u baahan tahay nasiib marka aad soo geliso beddel. Jota wuu dhalin karaa goolal, Kostas-na wuxuu leeyahay laad fiican. Laakiin goolhayehooda iyo difaacayaashoodu waxay celiyeen inta badan fursadihii. Waxaan ku faraxsanahay qaab ciyaareedkii qeybtii labaad.”
Carragher ayaa weli ku adkeysanaya in Liverpool ay u baahan tahay xoojinta difaaca si ay u sii adkeyso rajadooda horyaalka.
