Liverpool ayaa xiiseyneysa saxiixa weeraryahanka Lyon ee Rayan Cherki oo lagu qiimeeyo £21 milyan, sida ay ku warantay warbaahinta Faransiiska ee L’Equipe.
Cherki, oo bishii Agoosto 21 jir noqday, ayaa u saftay 152 kulan kooxda Lyon oo uu ka soo baxay akadeemiyadooda, waxaana durba la hadal hayaa inuu ka tagayo kooxda.
Xiddiga ayaa heshiis cusub saxiixay xagaagii hore, hase yeeshee Lyon ayaa dul dhigtay in heshiiskiisa lagu burburin karo qiimo dhan €25 milyan (£20.8m).
Inkastoo ay doorbidayaan inay sii haystaan ilaa dhammaadka xilli ciyaareedka, haddana waxaa suurtagal ah inay ku khasbanaadaan inay iibiyaan bisha Janaayo.
Liverpool iney raadiso weeraryahan cusub ayaa ku qasbeysa xaaladda Salah kadib markii uu dalbaday lacag waalli ah.
Salah waxaa xiiseynaya kooxaha ka dhisan horyaalka Sacuudiga,waxeyna doonayaan iney ka faa’ideystaan is afgaran waaga u dhaxeeya asaga iyo kooxdiisa.
