Gary Neville ayaa dhaleeceeyay Manchester United qaabka ay u shaqaaleysiiyaan macalimiinta tobankii sano ee la soo dhaafay.
Tan iyo markii uu kooxda ka tagay Sir Alex Ferguson, Red Devils waxa ay ku dhibtootay in ay hesho tababare si fiican ula jaan qaadi kara nidaamka kooxda.
Man United ayaa awoodi wayday in ay hesho tababare sax ah tobankii sano ee ugu dambeeyay oo la ceyriyay David Moyes, Louis van Gaal, Jose Mourinho, Ole Gunnar Solskjaer iyo Erik ten Hag.
Man United ayaa lacag badan suuqa galisay si ay ciyaartoy cusub ula soo wareegto, laakiin inta badan ciyaartoydeeda qaaliga ah ayaa ku dhibtooday inay soo bandhigaan wixii looga baahnaa.
Neville ayaa aaminsan in saxiixa kaliya ee wanaagsan ee ay Man United samaysay tobankii sano ee la soo dhaafay uu yahay Bruno Fernandes.
Ciyaaryahanka khadka dhexe ee Portugal ayaa tan iyo markii uu ku soo biiray kooxda ahaa hal abuurihii ugu weynaa, waxaana tan iyo markii uu yimid Old Trafford uu kusoo baxay khadka dhexe ee dhalinta iyo caawinta ugu badan ka sameeyay Premier League.
Isagoo la hadlayay Sky Sports, ayuu yiri halyeyga Man Utd tababarahu waa inuu si fiican usoo saaraa ciyaartoyda. Ciyaartoyda waa inay qaataan mas’uuliyad, wixii dhacay 10kii sano ee la soo dhaafay ma ahan wax lagu qanci karo.
Kooxda Man Utd ayaa la soo saxiixatay ciyaartoy badan oo ay kooxaha kale doonayeen, waxaana markii ay yimaadeen kooxda ay noqdeen kuwo aan waxba qaban.
