Gaabka da’da yar ee Arsenal Gabriel Martinelli ayaa magacaabay labada daafac ee Premier League ugu adag ee uu wajahay xirfadiisa ciyaareed.
Martinelli, oo caan ku ah orod iyo xirfad dabiici ah, ayaa dhawaan ka hadlay ciyaartoyda ugu dhibka badan ee uu ku wajahay garoonka dhexdiisa, waxaana cad inuu doortay kuwa ugu adag waqtigaan.
Mar la weydiiyay daafacyada ay ku adagtahay inuu la dhex maro kubadda, Martinelli wuxuu si deg deg ah u tilmaamay Kyle Walker oo u ciyaara Manchester City iyo Ibrahima Konate oo Liverpool katirsan.
Labada ciyaaryahanba waxay leeyihiin awood jir ahaan oo xoogan iyo orod dheer, Martinelli ayaan ka xishoon inuu si gaar u amaano awoodooda.
Martinelli ayaa kulamo adag xilli ciyaareedkan wajahay labada daafac. Iyadoo Arsenal ay ku dhibtootay labadaas ciyaarba.
Xiddiga reer Brazil waxaa ka go’an inuu caawiyo kooxdiisa oo hadda wajaheysa xaaladihii ugu xumaa, iyagoo kasoo dhacay tartanka horyaalka Premier League.
Tan iyo markii uu ku biiray Arsenal, Martinelli wuxuu muhiim u noqday kooxda Mikel Arteta, isagoo ka caawiyay in ay tartanka Premier League la galaan labadii xili ciyaareed ee lasoo dhaafay Man City.
