Jamie Carragher ayaa ku tilmaamay xiddiga kooxda Chelsea ee Marc Cucurella inuu sameeyay wax laga xishoodo ka dib markii uu laba qalad oo kooxdiisa loo ciqaabay uu galay kulankii caawa ee Tottenham.
Goolal ay kala dhaliyeen labada ciyaaryahan ee Spurs Dominic Solanke iyo Dejan Kulusevski ayaa ka dhigay in Chelsea 2-0 lagu hogaamiyo kaliya 11 daqiiqo markii ay soctay ciyaarta.
Cucurella ayaa lahaa qaladka labada gool iyadoo daafaca heerka caalami ee dalka Spain uu u ogolaaday si fudud ciyaartooyda ka soo horjeeday inay goolal u dhaliyaan.
26 jirkaan ayaa iska bedelay kabihii uu ku ciyaarayay kadib markii uu Kulusevski ciyaarta ka dhigay 2-0, taasoo ka careysiisay khabiirka Sky Sports Carragher.
Cucurella wuxuu sameeyay wax laga xishoodo’ Halyeeyga Liverpool Carragher ayaa yiri isagoo ka hadlayay labadii qalad ee uu sameeyay daafaca Chelsea.
Waxaa sidookale ceeb ku aheyd inuu siibo kabihii uu kusoo galay garoonka. Bal u fiirsada isaga oo garbaha ruxaya wuxuu eeda saarayo waa kabihiisii” ayuu yiri halyeyga Liverpool.
Clinton Morrison, oo ah khabiirka BBC-da, ayaa isna yiri ‘Waa arrin cajiib ah. Cucurella waxa uu eedeynayaa kabihiisa.
