Manchester United ayaa indha indheeyayaal u dirtay si ay u daawadaan xiddiga Torino Raoul Bellanova, sida ay wararku sheegayaan.
Bellanova, oo 23 jir ah, ayaa wacdaro ka dhigaya kooxda Serie A ka dhisan xilli ciyaareedkan.
Waxa uu ka soo muuqday horyaalka Talyaaniga 25 jeer xilli ciyaareedkan isagoo dhaliyay hal gool islamarkaana sameeyey shan caawin.
Lixdii kulan ee ugu danbeysay ayuu dhaliyay goolka islamarkaana sameeyay seddex caawin.
Tuttosport ayaa sheegeysa in da’ yarka Talyaaniga inay daawadeen dhowr jeer kormeerayaal ka socda Red Devils
Wan-Bissaka uma aysan noqonin sidii uu rajeynayay tan iyo markii uu Old Trafford uga soo biiray Crystal Palace sannadii 2019kii.
Waxaa la rajeynayay inuu xureysan doono booska daafaca midig laakiin dhaawacyo iyo inuusan ku fiicneyn weerarka ayaa ka horistaagtay horumarkiisa.
Haatan oo hal sanno ay uga harsan tahay qandaraaskiisa Man United ayaa dooneysa inay kaash ku hesho xiddigaan oo ay ku soo iibsadeen 50 milyan ginni.
Bellanova waxaa lagu qiimeynayaa kaliya 6 milyan ginni, laakiin waxaa sidoo kale xiiseyneysa Aston Villa.
