Weeraryahanka reer Nigeria, Victor Osimhen, ayaa lagu soo waramayaa inuu go’aansaday kooxda uu doonayo inuu ku biiro marka uu dhammeeysto amaahda uu ku joogo Galatasaray. Xiddiga Napoli ayaa si weyn loola xiriirinayaa kooxo waaweyn oo ka dhisan Yurub iyo qaar ka mid ah horyaalada ugu lacagta badan.
Osimhen, oo 25 jir ah, ayaa qaab ciyaareed cajiib ah ku qaadanaya horyaalka Turkiga, isagoo dhaliyay 9 gool 11-kii kulan ee ugu horreeyay ee uu u saftay kooxda Galatasaray ee uu amaahda ku joogo. Inkastoo lala xiriirinayo kooxo kale, Osimhen ayaa doonaya inuu diirada saaro kooxda uu haatan la joogo.
Sida laga soo xigtay weriyaha Gianluca Di Marzio, weeraryahanka Napoli ma doonayo inuu wadaxaajood la yeesho kooxo kale xilligan.
“Osimhen wuxuu doonayaa inuu xilli ciyaareedkan u isticmaalo fursad uu Premier League kaga helo dalab rasmi ah ” ayuu Di Marzio u sheegay bettingexpert.
Kooxo ay ka mid yihiin Paris Saint-Germain iyo koox magacooda aan la shaacin oo ka dhisan Sacuudi Carabiya ayaa xiiso u muujiyay weeraryahankan. Si kastaba ha ahaatee, warbixin kale oo ka soo baxday Talyaaniga ayaa soo jeedinaysa in Osimhen uu si dhakhso ah ugu biiro Juventus haddii ay fursad u noqoto.
Hadda, Osimhen ayaa doonaya inuu ka faa’iideysto xilli ciyaareedkiisa Galatasaray si uu ugu xoojiyo qiimihiisa suuqa kala iibsiga ee kooxaha ugu waa weyn Yurub.
