Arne Slot ayaa looga digay inuu kooxdiisa ka tagi karo daafaca Trent Alexander-Arnold sanadka cusub, iyadoo Liverpool aysan wax fursad ah u haysan inay ka hor istaagto heshiis beeca xorta ah oo uu ugu biiri karo Real Madrid,
Daafaca midig ayaa ku jira sanadkii ugu dambeeyay ee qandaraaskiisa Liverpool, waxana uu xaq u leeyahay in uu heshiis horudhac ah u la gaaro kooxaha doonaya saxiixiisa bisha Janaayo.
kaliya 69 maalmood ayaa ka dhiman Janaayo, intaas ka hor waxaa jira walaac ku saabsan in Reds ay ku waayi karto kabtan ku xigeenkeeda beeca xorta ah dhamaadka ololahaan.
26 jirkaan ayaa si weyn loola xiriirinayaa inuu u dhaqaaqayo Real Madrid, sanadka 2025, in kasta oo ay jiraan wada xaajoodyo ka imaanaya dhanka Reds.
Isagoo la hadlayay Sky Sports falanqeeyaha Sherwood ayaa la weydiiyay hadii Liverpool ay ku bilaabatay si wanaagsan xilli ciyaareedka kadib 11 guul oo ay gaaraan 12 kulan oo ay ciyaareen, tababarihii hore ee Tottenham ayaa ku jawaabay, waa sax taas, laakiin seddex ciyaaryahan oo ka mid ah kuwa ugu fiican kooxda ayaa qandaraaskoodu dhacayaa dhamaadka ololahaan, tan waxaan filayaa inay saameyn karto iyaga markasta.
