Tababaraha Arsenal, Mikel Arteta, ayaa ku adkeystay in kooxdiisu ay garaaci doonto Chelsea haddii ay soo celiyaan qaab ciyaareedkii ay soo bandhigeen kulankii Inter Milan.
Gunners ayaa guuldarro 1-0 ah ka soo gaartay kooxda Serie A ka dhisan kulankii Champions League ee xalay, laakiin Arteta ayaa ku qanacsan qaabkii ay soo bandhigeen wiilashiisa.
Waa guuldaradii labaad oo xiriir ah, ka dib markii 1-0 ku garaaceen Newcastle United isbuucaan.
Hakan Calhanoglu ayaa rigoore muran dhalisay dhaliyay ka hor inta aan la aadin qeybta nasashada waxa uu noqday goolkaas mid muhiim u ah kooxda ku ciyaarta San Siro.
Arteta ayaa haatan ku qasban inuu isbedel ku sameeyo ciyaartoydiisa ka hor kulanka Premier League ee ay u safrayaan Chelsea Axadda.
Wuxuu yiri: “Haddii aan u ciyaarno sida aan u ciyaarnay kulankii Inter, waxaan heli doonaa fursad weyn oo aan kaga badino Chelsea.
Arsenal ayaa usafreyso Chelsea kulan katirsan ciyaaraha Premier League, iyadoo culeys badan saaran yahay Arteta.
