Brazil ayaa waji gabax la kulantay kadib markii Argentina ay ku xasuuqday Buenos Aires, iyada oo Julian Álvarez, Enzo Fernández, Alexis Mac Allister iyo Giuliano Simeone ay dhaliyeen goolasha.
Natiijadu waxay Argentina ka dhigaysaa hogaanka kala sarreynta kooxaha Koonfurta Ameerika iyagoo leh 31 dhibcood 14 kulan oo ay ciyaareen, halka Brazil ay ku jirto kaalinta afraad iyagoo leh 21 dhibcood.
Markii uu ciyaarta ka dib hadlayay, Scaloni wuxuu sheegay in kooxdiisu guul gaartay sababtoo ah ciyaartoydiisu waxay u ciyaareen si koox ahaan ah.
“Tani waa guul kooxeed. Waxaan u ciyaarnay si wadajir ah, waana sababta aan ugu awoodnay inaan burburino Brazil,” ayuu Scaloni ka sheegay shirkiisa jaraa’id ee ciyaarta kadib.
“Run ahaantii ma garanayo haddii ay tahay guushii ugu weynayd ee aan gaarnay, waxaan ciyaarnay kulan aad u wanaagsan oo aan wax weyn ka qabanay.
Kooxdu waa in ay ogaato waxa la sameeyo xaaladaha kala duwan, habeenkan wiilashu si aad u wanaagsan ayay u ciyaareen.”
