Tababaraha Girona Míchel: “Lamine Yamal Waa Garabka Ugu Fiican Adduunka, Pedri Waa Lambar 8-ka Ugu Fiican”
Tababaraha Girona, Míchel, ayaa amaanay xiddigaha Barcelona, Lamine Yamal iyo Pedri, isagoo sheegay in Yamal uu haatan yahay garabka ugu fiican kubadda cagta adduunka, halka Pedri uu yahay lambar 8-ka ugu fiican.
Míchel wuxuu yiri: “Haatan, Lamine Yamal waa garabka ugu fiican adduunka, Pedri-na waa lambar 8-ka ugu fiican.”
Lamine Yamal, oo 17 jir ah, ayaa xilli ciyaareedkan bandhig layaab leh ka sameynaya Barcelona, isagoo noqday mid ka mid ah xiddigaha ugu muhiimsan ee kooxda. Pedri, dhanka kale, wuxuu caan ku yahay farsamadiisa sare iyo sida uu kubadda ugu maamulo khadka dhexe.
Hadallada Míchel ayaa muujinaya heerka ay gaareen labada ciyaaryahan ee Barcelona, kuwaas oo lagu tilmaamo xiddigo mustaqbal ifaya leh. Taageerayaashu waxay si weyn isha ugu hayaan sida ay u sii horumari doonaan xilli ciyaareedkan iyo kuwa soo socda.
