Aaron Ramsdale ayaa ciyaarta markii ay dhamaatay wuxuu durbadiiba u orday goolhayaha booska ka baxsaday David Raya kaasoo rigoore ku soo saaray Gunners.
Raya ayaa badbaadiyay labo rigoore taasoo ka caawisay in Arsenal ay markii ugu horeysay u soo baxdo wareega sideed dhamaadka Champions League markii ugu horeysay muddo 14 sannadood ah.
28 jirkaan ayaana cadeeyay in Arteta uu ku saxnaa inuu ku bedelo goolhayihii ay taageerayaasha jeclaayeen ee Aaron Ramsdale.
Arteta ayaa horay u sheegay inuu heysto labo goolhaye koowaad laakiin sida cad wuxuu doorbidaa David Raya kaasoo ku soo bilowday kulan walba oo uu ciyaari karo tan iyo bishii September.
Waxaa la filayay in Ramsdale uu xumaan u qaado goolhayihii kala baxay booskii u xureysnaa labadii xilli ciyaareed ee ugu danbeysay, laakiin taasi meel ayuu iska dhigay sida laga arkay kulankii xalay.
Goolhayaha Ingariiska ayaa markii ay ciyaarta dhamaatay wuxuu orod ugu tagay goolhaye David Raya isagoo laabtay geliyay islamarkaana kula hor dabaaldegay kaamirooyinka hortooda.
Taageerayaasha Arsenal ayaana ku amaanay Ramsdale ficilkaas uu sameeyay iyagoo tilmaamay inuu yahay xirfadle niyad saafi ah leh,
Waxay tani muujineysaa isku duubnimada kooxda Mikel Arteta iyagoo leh hal yool oo ah inay hantaan koobab xilli ciyaareedkan.
