Sagaal Qof Oo Loo Xiray aflagaaddo Kulankii Liverpool iyo Man City Kadib Eedaymo La Xiriira Heeso Aflagaado Ah ay ka dhex qaadeen garoonka Anfield.
Wiil 19-jir ah ayaa lagu soo oogay dacwad la xiriirta heeso aflagaado ah intii lagu guda jiray kulankii dhexmaray Liverpool iyo Manchester City ee ka dhacay garoonka Anfield Axaddii. Sidoo kale, siddeed nin oo kale ayaa loo xiray tuhun la xiriira falkaas intii lagu jiray ciyaarta Premier League.
Heesaha aflagaadada ah ayaa lagu sheegay inay ka hadleen musiibadii Hillsborough, taasoo ay ku dhinteen 97 taageerayaal Liverpool ah intii lagu jiray ciyaartii nus-dhamaadka FA Cup bishii Abriil 1989.
Liverpool ayaa kulanka ku adkaatay 2-0, taasoo u suurta gelisay inay hoggaanka horyaalka Premier League kusii heyso sagaal dhibcood.
