Atalanta ma rabto inay iska iibiso xiddigeeda muhiimka ah ee Ademola Lookman suuqa kala iibsiga ee Janaayo.
Lookman ayaa lagu soo waramayaa in ay doonayaan kooxaha waaweyn ee Premier League, oo ay hogaamineyso Liverpool.
Wargayska Tuttosport ayaa sheegaya caawa in Atalanta ay waqti hore diiday codsigii kaga yimid Liverpool xiddiga heerka caalami ee reer Nigeria
27-sano jirkaan ayaa ku soo baxay mid ka mid ah weeraryahanada ugu fiican adduunka tan iyo markii uu ku biiray kooxda ku ciyaarta Gewiss Stadium.
Xiddiga garabka ka ciyaara ayaa ka caawiyay La Dea kooxda lagu naynaaso inay ku guuleysato koobkoodii ugu horreeyay ee Yurub xilli ciyaareedkii hore, isagoo dhaliyay seddexleey finalkii Europa League ee ay la ciyaareen Bayer Leverkusen.
Lookman ayaa dhaliyay 11 gool, isagoo caawiyay 5 kale 19 kulan oo uu saftay tartamada oo dhan xilli ciyaareedkan.
Tababare Slot ayaa la kulmay dhabar jab weyn maadaama uu u arkayay ciyaaryahanka mid uu ku xoojin karo safkiisa qeybta labaad ee xili ciyaareedkaan.
