Mikel Arteta ayaa ku qasbanaaday inuu laba isbeddel ku sameeyo shaxdii guulaha xidhiidhka ah iyo goolasha tirada badan ka keenaysay horyaalka Premier League, waxaana uu laba isbeddel ku sameeyey xiddigaha uu kala hortegayo Brentford.
Arsenal ayaa waxa ay garoonkeeda Emirates Stadium ku martigelinaysaa kooxda ay isku magaalada yihiin ee Brentford, laakiin Mikel Arteta ayaan haysanin garabka weerarka Brazil ee Gabriel Martinelli oo dhaawac ah iyo goolhaye David Raya oo aan loo ogolayn inuu ka hor tago kooxdii uu amaahda kaga yimid ee Brentford, waxaana kusoo bilowday Leandro Trossard iyo Aaron Ramsdale.
Bukayo Saka oo ay jug kasoo gaadhay ciyaartii u dambaysay oo beddel ku baxay ayaase taam noqday oo kusoo bilowday ciyaarta, waxayse indhuhu hayn doonaan Ramsdale oo ay u noqonayso ciyaartii koowaad ee Premier League ee uu u ciyaaro Arsenal tan iyo bishii November.
Waxa kale oo Arsenal dhaawac kaga maqan laacibka reer Ukraine ee Oleksandr Zinchenko.
Shaxaha rasmiga ah ee labada kooxood
Arsenal XI: Ramsdale, White, Saliba, Gabriel, Kiwior, Rice, Jorginho, Odegaard, Saka, Trossard, Havertz.
Brentford XI: Flekken, Roerslev, Zanka, Ajer, Collins, Lewis-Potter, Norgaard, Onyeka, Janelt, Wissa, Toney.
