Sida ay u muuqan karto shaxda Ruben Amorim ee Man Utd kulankiisa ugu horreeya oo ay la ciyaarayaan Ipswich ayaa lasoo saaray.
Manchester United ayaa la filayaa inay garoonka ku soo galaan qaab-ciyaareedka 3-4-3 kulanka ugu horreeya ee Ruben Amorim uu kooxda hogaaminayo, taasoo ah isbedel weyn marka loo eego nidaamkii 4-2-3-1 ee uu isticmaali jiray tababarihii hore, Erik ten Hag.
Tababaraha cusub ee Manchester United, Ruben Amorim, ayaa wajahaya go’aanno adag kahor kulankiisa ugu horreeya oo ay la ciyaarayaan Ipswich Axadda.
Si kastaba ha ahaatee, diyaar-garowga Amorim ee kulankan ka dhacaya Portman Road ayaa saameyn ku yeeshay ciyaartoyda kooxda oo safarro ku maqnaa kulamada caalamiga ah usbuucan, iyadoo qaar ka mid ah ay ku soo laabteen kooxda kaliya Khamiistii.
Xaaladdan darteed, Amorim wuxuu wajahayaa caqabado ku saabsan xulashada shaxdiisa, iyadoo taam ahaanshaha iyo diyaar-garowga ciyaartoyda ay noqon doonaan qodobbada ugu muhiimsan.
Shaxda Macquulka Ee Manchester United kulanka Ruben Amorim ugu horreeya (3-4-3):
Onana; De Ligt, Evans, Martinez; Dalot, Casemiro, Mainoo, Mazraoui; Amad, Rashford, Fernandes.
