Garnacho oo ‘Rabitaan U Qaba’ Inuu U Wareego Real Madrid Ama Barcelona Kadib Markii Loo Sheegay Inuu “Shaqo Kale ka Raadsado” Manchester United.
Weeraryahanka garabka ee Manchester United, Alejandro Garnacho, ayaa la sheegay inuu doonayo inuu ku biiro Real Madrid ama Barcelona, sida uu sheegay xiddigii hore ee Red Devils, Nicky Butt.
Waxaa jiray isbedello badan oo ku yimid Man United xilli ciyaareedkan, iyadoo ay kooxda kusoo biireen shan ciyaaryahan intii lagu jiray suuqa kala iibsiga ee xagaaga, halka qaar kalena ay ka tageen Old Trafford.
Erik ten Hag ayaa dhawaan lagu bedelay Ruben Amorim oo si rasmi ah xilka ula wareegay Isniintii kadib markii Ruud van Nistelrooy uu si ku-meel-gaar ah u ahaa tababaraha kooxda.
Man United ayaa si xun ku bilaabatay xilli ciyaareedkan cusub ee Premier League, iyadoo haatan ku jirta kaalinta 13-aad kadib afar guul oo kaliya 11-kii kulan ee ugu horreeyay.
Ciyaartoy badan ayaa dhaleeceyn la kulmay ilaa iyo haatan, iyadoo mararka qaarkood Garnacho lagu dhaliilay, inkastoo uu ka qayb qaatay 11 gool.
Hadda, Nicky Butt ayaa qaba in Garnacho uu doonayo inuu mustaqbalka u dhaqaaqo La Liga, gaar ahaan kooxaha waaweyn sida Real Madrid ama Barcelona.
Butt ayaa u sheegay barnaamijka “Football’s Greatest” inuu yiri: **“Horyaalka Premier League waa kan ugu fiican adduunka, laakiin dhammaan ciyaartoyda ugu fiican mar walba waxay u dhaqaaqaan Spain, Real Madrid ama Barcelona.
“Haddii aad eegto dhammaan xiddigaha waaweyn, waligood ma sii joogaan Premier League. Waxay joogaan inta ay u baahan yihiin inay u gudbaan heerka xiga.”**
Garnacho oo goor sii horreysay sheegay inuu lumiyay kalsoonida taageerayaasha United.
