Real Madrid ayaa heshiis la gashay difaaca xulka qaranka Canada iyo kooxda Bayern Munich ee Alphonso Davies oo 23 jir ah, kaas oo ay si rasmi ah ugala soo wareegi doonaan Munich kaddib markii uu iska diiday inuu u kordhiyo qandaraaskiisa oo sannad ka hadhsan yahay. Muncih ayaa go’aamisay inay iibiso mar haddii uu diiday inuu heshiis cusub saxeex. (Athletic)
Tababaraha Chelsea ee Mauricio Pochettino ayaa mustaqbalkiisa uu shaki weyni ku jiraa kaddib guul-darradii finalka Carabao Cup ee Liverpool, waxaana ay Blues beddelkiisa u calaamadsatay Ruben Amorim oo ah tababaraha Sporting Lisbon. (Sun)
Manchester United ayaa rajaynaysaa inay iibin doonto dersin ciyaartoydeeda ah marka uu furmo suuqa iibka ee xagaaga, waxaana ciyaartoydaas ku jira 24 jirka reer Brazil ee Antony. (MEN)
Difaaca Chelsea ee Trevoh Chalobah oo 24 jir ah iyo weeraryahanka reer Albania ee Amrando Broja oo ay wehelinayaan khadka dhexe ee reer England ee Conor Gallagher oo 24 jir ah iyo difaaca bidix ee Spain ee Marc Cucurella oo 25 jir ah, ayaa la filayaa inay ka tagaan Chelsea dhamaadka xilli-ciyaareedka. (Telegraph)
Bayern Munich, Liverpool iyo Arsenal ayaa ku tartamaya khadka dhexe ee reer Portugal ee Joao Palhinha oo ah 28 jir u ciyaara Fulham. (Football Insider)
Khadka dhexe ee Manchester City ee Kevin de Bruyne waxa uu doorbidayaa inuu tago horyaalka waddanka Maraykanka marka loo eego Sucuudiga doonaya. 33 jirkan reer Belgium ayaa la filayaa inuu ka tago Man City xagaaga. (Athletic)
Goolhayaha reer England ee Aaron Ramsdale oo 25 jir ah, ayaa doonaya inuu ka tago Arsenal, kaddib markii uu tababare Mikel Arteta ka doorbiday David Raya oo 28 jir ah oo dhamaan kulamada uu ciyaarsiiyo. (Football Insider)
