Daafac bidix ayaa ah meesha mudnaanta ugu badan u leh tababaraha cusub ee Manchester United Ruben Amorim. Ben Chilwell oo Chelsea u ciyaara ayaa bartilmaameedka ugu sarreeya u ah. halka sidookale daafaca Benfica Alvaro Carreras ay isha ku heyso Man Utd. (Caughtoffside)
Man Utd ayaa sidoo kale weli xiiseyneysa inay heshiis la gaarto daafaca dhexe ee Everton Jarrad Branthwaite, inkastoo 80 milyan oo ginni laga diiday intii lagu jiray suuqii xagaaga. (GIVEMESPORT)
Real Madrid ayaa haatan kujirta xiisaha Branthwaite, iyadoo aaminsan in 22 jirkaan uu jawaab u noqon karo dhibaatada dhanka daafaca ka heysta xili ciyaareedkaan. ( Marca)
Liverpool ayaa diyaar u ah in ay Fulham siiso fursad ay kula soo saxiixan karto Kostas Tsimikas oo si ay kaga helaan daafaca bidix ee Antonee Robinson. (TBR Football)
Chelsea ayaa hogaamineysa tartanka loogu jiro saxiixa daafaca dhexe ee kooxda Bayer Leverkusen Jonathan Tah xagaaga dambe. (Caughtoffside)
21 jirka khadka dhexe uga ciyaara Valencia ee Javi Guerra ayaa u soo baxay bartilmaameedka ugu weyn ee kooxaha Arsenal, Liverpool iyo Tottenham Hotspur. (TBR Football)
Sevilla ayaa isha ku heysa inay lasoo saxiixato garabka Barcelona Ansu Fati, iyagoo aaminsan in weeraryahanka da’da yar uu wax badan kusoo kordhin karo kooxooda (Fichajes – Spain)
West Ham United ayaa isku dayi doonta inay la soo wareegto ciyaaryahanka khadka dhexe ee Manchester City James McAtee haddii ay lumiso xiddiga reer Brazil Lucas Paqueta bisha Janaayo. (The Sun)
Dhanka kale, Man City ayaa sii kordhisay kalsoonida ah in Erling Haaland uu saxiixi doono qandaraas cusub isagoo laga dhigi karo xiddiga ugu mushaarka badan Premier League. (The Mirror)
Newcastle United iyo West Ham ayaa labaduba u aqoonsaday Paul Pogba bartilmaameedkooda ugu sarreeya ee suuqa kala iibsiga, iyadoo ciyaaryahanka khadka dhexe beeca xorta ah lagu heli karo ka dib markii la joojiyay qandaraaskiisa Juventus. (Fichajes – Spain)
Ciyaaryahanka khadka dhexe ee Celta Vigo Willot Swedberg ayaa radaarka u saaran Arsenal, waxay doonayaan inay la wareegaan suuqa soosocda (Caughtoffside)
Juventus ayaa isku diyaarinaysa bixitaanka weeraryahankeeda Dusan Vlahovic, waxay ka fikiraysaa inay u dhaqaaqdo bedelkiisa Joshua Zirkzee oo u ciyaara Man Utd. (Calciomercato – Italy)
