Shayaadiinta cas cas ayaa isku diyaarinaya in ay isbedel badan oo suuqa kala iibsiga ah sameeyaan, iyadoo Ruben Amorim uu xooga saarayo dib udhiska Man Utd.
Da’yarka haatan amaah kula jooga kooxda RB Leipzig oo ay leedahay Paris Saint-Germain Xavi Simons ayaa kusoo baxay saxiixa ugu horeeya ee uu doonayo Amorim inuu u dhaqaajiyo Man Utd.
Bandhig cajiib ah oo isdaba joog ah oo uu sameeyay ayaa ka dhigay xiddigii hore ee akadeemiyada Barcelona inuu dalabyo ka helo kooxaha waaweyn ee ka dhisan Yurub.
Liverpool, Inter, Juventus, Real Madrid iyo Bayern Munich ayaa dhamaan isha ku haya laacibka reer Holland ee Xavi Simons.
Reds ayaa u muuqata mid ka liidata doorka khadka dhaxe ee weerarka, laakiin isku daygooda xiddigaan ayaa waxaa caqabad ku noqday Jurgen Klopp oo aan dooneyn in ay kooxdiisa iibiso Simons.
Klopp ayaa door agaasime kula shaqeynaya Shabakada isku raranka ah ee kooxaha badan ku mideysan yihiin eee Red Bull.
Man Utd waxay isku dayi doonaan saxiixa Xavi Simons suuqa January, inkastoo caqabado badan ay ka wajihi karaan kooxaha kale ee isha ku haya.
