Tababaraha cusub ee Manchester United Ruben Amorim ayaan dalban doonin wax saxiixyo cusub ah suuqa janaayo, wuxuuna taa badalkeeda diirada saarayaa sidii uu u horumarin lahaa ciyaartoyda hadda kooxda jooga.
Sky Sports News ayaa warineysa in tababaraha reer Portugal uu diirada saarayo horumarinta xiddigihiisa, halkii uu suuqa kala iibsiga ciyaartooyda lacag badan galin lahaa.
Isbuucyadii lasoo dhaafay waxaa la warinayay in magacyo waaweyn Manchetser United suuqa kasoo qaadan doonto, laakiin Amorim ayaa qiimeyn guud ku sameyn doono safkiisa.
Amorim ayaa guushiisii ugu horeysay Man Utd gaaray, kadib markii kulankii ugu horeeyay Premier League uu kusoo dhamaaday barbaro.
Daafaca Man Utd ayaa dhaliil badan la kulmay labadii kulan ee ugu horeysay Amorim hogaamiyay kooxda, waxaaa laga dhaliyay 3 gool, inkastoo qeybta weerarka aad loo amaanay.
Manchester United ayaa beri oo axad ah la ciyaareysa Everton kulan katirsan Premier League, iyadoo la sugayo guushii ugu horeysay Amorim Premier League.
