Lukaku ayaa ku soo bilowday kursiga kaydka laakiin waxa uu dhaliyay goolka bar-baraha kulankii Parma.
Romelu Lukaku ayaa gool u dhaliyay kulankiisii ugu horeeyay ee Napoli isaga oo kooxda Antonio Conte ka caawiyay in ay dhabarka ka jabiyaan kooxda Parma oo dhawaan soo dalacday.
Lukaku ayaa dhameystiray heshiiskii uu Napoli ugu biiray £38 milyan oo ginni Khamiistii, isagoo kaga soo biiray Chelsea.
Laacibka reer Belguim ayaa si rasmi ah ugu biiray Napoli isaga oo labadii xilli ciyaareed ee ugu dambeeyay amaah ku joogay Kooxaha Serie A-da Inter Milan iyo Roma.
Lukaku ayaa dib ula midoobay tababarihii hore ee Inter Milan Conte ee Napoli, weeraryahanka ayaana saameyn degdeg ah ku yeeshay macalinka reer Talyaani Sabtidii.
31-sano jirkaan ayaa kursiga keydka ku soo bilowday kulankii ay la ciyaareen Parma, laakiin wuxuu arkay kooxda martida ah oo si lama filaan ah hogaanka ugu qabatay ciyaarta.
Kooxda Conte ayaa soo degtay kaalinta 4-aad ee kala saraynta kadib guushii 2-aad ee xilli ciyaareedkan.
