Ciyaar waali aheyd, weeraryahanka reer Poland Robert Lewandowski ayaa noqday geesiga Barcelona ka dib markii uu ku hogaamiyay guul 4-2 oo ay ka gaareen Valcnia.
Fermin ayaa hogaanka u dhiibay Barcelona laakiin Valencia ayaa ku guuleysatay inay ciyaarta dhanka kale u rogto ka dib markii ay labo gool heleen ka dib qaladaad ay sameeyeen goolhaye Ter Stegen iyo daafaca Araujo.
Barcelona ayaa u baahneyd guul si ay ugu yaraan dib ugu dhigaan hanashada horyaalka ee Real Madrid ilaa isbuuca danbe. Real Madrid ayaa horyaalka qaadi doonta haddii ay garaacaan Cadiz islamarkaana ay dhibic ka helaan Granada.
Robert Lewandowski ayaana guusha u xaqiijiyay Barcelona qeybtii labaad isagoo dhaliyay seddexleey.
Seddexda gool ee uu Lewandowski dhaliyay ayaa la micno ah inuu haatan ku soo biiray tartanka gooldhalinta horyaalka La Liga ee Pichichi.
Lewa ayaa leh 16 gool wuxuuna seddex gool ka danbeeyaa xiddiga hogaaminaya gooldhalinta horyaalka La Liga ee kooxda Girona Dovbyk.
Wuxuu sidoo kale kaliya hal gool ka danbeeyaa xiddiga Real Madrid Jude Bellingham iyo xiddiga Real Sociedad Sorloth oo labaduba leh min 17 gool.
Gooldhalinta Horyaalka La Liga:
- Dovbyk: 19 goolal
- Bellingham: 17 goolal
- Sorloth: 17 goolal
- Lewandowski: 16 goolal
- Mayoral: 15 goolal
