Halyeeyga Manchester United, Rio Ferdinand, ayaa u soo jeediyay macalinka Arsenal Mikel Arteta inuu siiyo Ethan Nwaneri waqti badan oo uu ugu ciyaaro kooxdiisa.
Ferdinand oo hadlay ka dib guuldaradii 1-0 ee Arsenal ka soo gaartay Inter Milan xalay wuxuu ku canaantay Arteta sababta uusan xiddigaan fursad usiinin inta badan.
Inter Milan ayaa San Siro ku garaacday kooxda Premier League ka dhisan, iyadoo Hakan Calhanoglu rigoore uu dhaliyay qeybtii hore ee ciyaarta.
Arteta ayaan fursad ku filan siin Nwaneri iyadoo ay ka harsan tahay sideed daqiiqo ciyaartii xalay ayuu soo galay, wiilkaan ayaa wacdaro ka dhigay fursado kooban oo uu helay.
Fardinand ayaa kamid ah falanqeeyayaal badan oo qaba in Arteta inuusan fahamsaneyn tayada wiilka 17 jirka ah ee Nwaneri.
Arsenal waxay kujirtaa xaalad xun, waxaana kulanka soosocda ay wajihi doonaan kooxda Chelsea horyaalka Premier League.
