Real Madrid ayaa qorsheynaysa inay xoojiyaan boosaska daafaca dhexe iyo daafac dambeedka midig inta lagu guda jiro suuqa kala iibsiga ee soo socda, sida uu sheegay Fabrizio Romano. Kooxdu waxay si xeeladeysan u raadineysaa xiddigo cusub oo lagu xoojiyo boosaskan, inkastoo aan weli la hubin in saxiixyadooda la sameyn doono bisha Janaayo ama xagaaga dambe.
Baahida loo qabo daafac dhexe ayaa imaaneysa kaddib markii xulashooyinka kooxda ay yaraadeen, iyadoo Eder Militao iyo Antonio Rudiger oo kaliya ay yihiin kuwa taamka ah, ka dib markii Leny Yoro uu diiday inuu ku biiro kooxda xagaagii hore. Jonathan Tah, oo heshiiskiisa Jarmalka uu dhacayo xagaaga soo socda, ayaa ah mid ka mid ah xulashooyinka Real ay xiiseynayso.
Dhanka daafaca midig, Real Madrid waxay bartilmaameedsaneysaa Trent Alexander-Arnold oo Liverpool ka tirsan, iyadoo heshiiskiisu uu dhamaanayo bisha June, taasoo siinaysa fursad ay si bilaash ah kula soo saxiixan karaan. Haddii ay ku guuldareystaan inay helaan Alexander-Arnold, waxay qorsheynayaan inay u weecdaan Pedro Porro oo Tottenham u ciyaara.
Sidoo kale, Real Madrid ayaa la filayaa inay dib usoo celiyaan Toni Kroos, oo hawlgab noqday, si uu ugu biiro shaqaalaha tababarka ee Carlo Ancelotti. Kooxdu waxay horay u sameysay laba iskuday oo ay ku doonaysay inay heshiis cusub la gasho Kroos kahor inta uusan ka fariisan kubadda cagta.
Xilliga ay imaan karaan ciyaartoyda cusub wali ma cadda, inkastoo ay u badan tahay in saxiixyada waa weyn la sameyn doono bisha June, iyadoo suurtogalnimada suuqa Jiilaalkana aan meesha laga saarin. Real Madrid waxay dooneysaa inay si xeeladeysan u hagaajiso kooxda iyada oo aan si xad dhaaf ah u kharash garayn suuqa.
