Inter waxay Martinez kala soo wareegeen kooxda Genoa adduun dhan 15.5 milyan oo euro oo ay ku jiraan gunnooyin.
Gool-hayaha ayaa 26 jirsaday bishii May wuxuuna saftay kulankiisii ugu horreeyay ee Serie A , ka dib markii ay Genoa ka soo dalacday Serie B.
Waxa uu waqti ku qaatay akadeemiyada Barcelona iyo Las Palmas ka hor inta uusan u dhaqaaqin RB Leipzig 2020kii.
Sida laga soo xigtay ilo badan, qiimaha Inter ay kusoo iibsatay ayaa lagu sheegay € 13.5 milyan iyo € 2 milyan oo kale oo gunno ah.
Martinez ayaa noqonaya ciyaaryahankii lixaad ee Isbaanish ah ee xirta maaliyadda Inter.
In ka badan laba xilli ciyaareed oo uu ku sugnaa Genoa, goolhayaha ayaa u saftay 68 kulan inta u dhaxaysa Serie A, Seria B iyo Coppa Italia, waxaana laga dhaliyay 68 gool.
Waxaa lagu wadaa inuu ka dambeeyo goolhayaha heerka caalami ee dalka Switzerland Yann Sommer oo haatan ah dooqa koowaad ee kooxda balse la filayo inuu booska kala wareego xilli ciyaareedka soo socda.
Goolhayaha ayaa qalinka ku duugay heshiis qandaraas ah, waxaana uu hore u maray tijaabada caafimaadka isbuucii hore.
