Arne Slot waxa uu qaadan doonaa ganaax hal kulan ah ka dib markii uu qaatay jaalihiisii seddexaad ee xilli ciyaareedka intii lagu jiray kulankii caawa Liverpool ay barbaraha 2-2 la galeen Fulham.
Tababaraha Liverpool ayaa hore u qaatay laba kaar oo jaala ah kulamadii Chelsea iyo Arsenal bishii October, taasoo la micno ah in jaalihii caawa uu saari doono tarabuunka kulanka soo socda..
Garsoore Tony Harrington ayaa kaarka jaalaha ah u taagay Slot kulankii caawa ee Anfield, isagoo ka carooday jaale uu qaatay Curtis Jones qeybtii labaad ee ciyaarta kadib qalad uu ku galay Alex Iwobi.
Si ka duwan ciyaartoyda, tababarayaasha kuma qaadanayaan ganaaxa tartanka lagu bixiyay jaalaha, tani waxay la macno tahay in halkii uu ka maqnaan lahaa kulanka soo socda ee Premier League Tottenham axada soo socota, uu kaliya maqnaan doono Slot kulanka Southampton ee Carabao Cup ee dhacaya bartamaha Isbuucaan.
In kasta oo kulanka arbacada laftiisu yahay mid weyn, haddana jamaahiirta Reds waxay doorbidayaan in Slot uu seego kulankaan halkii uu ka maqnaan lahaa kulanka Spurs.
Xitaa iyada oo uu maqan yahay tababarahooda, ciyaartoyda Liverpool ayaa kalsooni badan ka qaba in ay guul gaaraan ciyaarta soosocta ee uu ganaaxa ku maqan yahay tababare Slot.
