Xiddiga garabka uga ciyaara Barcelona iyo xulka Brazil, Raphinha, ayaa shaaca ka qaaday inuusan u arkin ku guuleysiga Ballon d’Or hadaf shakhsi ah oo uu hiigsanayo.
Laacibkan reer Brazil ayaa sheegay in xitaa haddii uu magacaabid ka helo abaalmarinta Ballon d’Or, taas ay u noqon lahayd guul weyn oo uu gaaray xirfaddiisa kubadda cagta.
“Ku guuleysiga Ballon d’Or ma ahan hadaf shakhsi ah oo aan leeyahay,” ayuu yiri Raphinha. “Haddii la ii magacaabo, xitaa taasi waxay ii ahaan lahayd guul weyn.”
Raphinha ayaa haatan door muhiim ah ka ciyaaraya safka Barcelona, inkastoo uu mararka qaar la kulmay tartan adag oo dhanka booska ah. Isagoo caan ku ah xirfaddiisa goysmada iyo caawinta goolasha, wuxuu ka mid yahay xiddigaha lagu tiirsan yahay ee kooxda Xavi Hernández.
Inkasta oo uu diiday inuu si gaar ah ugu hamiyo Ballon d’Or, hadana Raphinha wuxuu ka mid yahay xiddigaha laga filayo inay sii horumariyaan oo ay door muuqda ka ciyaaraan kubadda cagta sanadaha soo socda.
