Paul Pogba ayaa ka maqnaa kubadda cagta tan iyo Sebtember 2023 sababo la xiriira ganaax uu muteystay kadib markii uu baaritaannada tijaabada testosterone uu ku guuldareystay. Waxaa lagu soo rogay ganaax afar sano ah bishii Agoosto 2023. In kasta oo laga qafiifiyay ganaaxa, ma ciyaari karo illaa billowga 2025 markaas oo lagu wado in ganaaxiisa uu dhamaado.
In kasta oo uu waqti badan ka maqnaanayo kubadda cagta, Pogba wuxuu helay fursad cusub oo jilliinka filimada ah. Waxa uu kasoo muuqan doonaa filimka cusub ee “4 Zeros,” halkaas oo uu ku matali doono macallin kubadda cagta oo dhallinyaro ah. Pogba ayaa bartiisa instagram ka ku muujiyay farxaddiisa ku aaddan inuu door muhiim ah ka ciyaari doono filimka filimka 4 Zero.qoraalka Pogba waxaa ka Falceliyay dad aad u badan.
Inkastoo Pogba uu diiradda saaray khibradiisa cusub ee filimada, waxaa jira shaki ku saabsan mustaqbalkiisa kubadda cagta.Tababaraha cusub ee Juventus, Thiago Motta, ma xaqiijin inuu Pogba ku jiri doono qorshihiisa marka uu kooxda ku soo laabto. Motta ayaa qiray tayada Pogba laakiin caddeeyay inuu diiradda saarayo helidda ciyaartooy ay isla jaanqaadi karaan.
Taageerayaasha iyo asxaabtiisuba waxay sugi doonaan in uu dib ugu laabto Juventus, iyagoo cabsi ka muujiyay sida khibradiisa cusub ee filimada u saameyn doonto mustaqbalkiisa kubadda cagta.
